اشتري سيارة بقرض ولا اجمع فلوس؟

الأفضل إنك تجمع فلوسك وتشتري كاش، لأنك بتتجنب الفوائد والالتزامات الشهرية، وتملك السيارة براحة بال من أول يوم.

تصفح أفضل عروض السيارات في السعودية

شراء السيارة عن طريق الكاش

الخيار هذا يعطيك راحة بال كاملة، لأن السيارة تصير ملكك وما عليك التزامات نهائي، وتقدر تتفاوض على السعر تاخذ أفضل عرض ممكن من البائع مباشرة.

مميزات الكاش:

• تملك السيارة بالكامل مباشرة بعد الدفع.
• مافي عليك أي فوائد ولا التزامات شهرية.
• تفاوض على سعر أقل وتكسب راحة نفسية.

عيوب الكاش:

• تحتاج تنتظر فترة طويلة حتى تجمع المبلغ.
• ممكن الأسعار ترتفع وانت تجمع.
• بتضطر تمشي بسيارة قديمة أو بدون سيارة فترة مؤقتة.

يناسب الكاش إذا: تقدر تصبر فترة وتحب الاستقرار المالي وما عندك التزامات شهرية ثانية تضغط عليك.

شراء السيارة عن طريق القرض

اختيار القرض يعطيك فرصة تملك السيارة الجديده أو المستعملة فورًا، وهذا يخليك تستفيد من راحتها الأكيده بدري بدل الانتظار. خصوصًا إذا لقيت عروض تمويل مميزة من الوكالات أو الشركات التمويلية مثل سيارة.

مميزات القرض:

• تقدر تمتلك السيارة اليوم بدون انتظار.
• تحافظ على سيولتك للظروف الطارئة أو للاستثمار.
• بعض العروض بدون رسوم أو بفائدة منخفضة.
• قسّطها حتى 60 شهر، وبدون دفعة أولى، مع إمكانية دفعة أخيرة تصل 45%.
• إجراءات سريعة ومرنة وتوصيل السيارة لين عندك وأنت مرتاح.

عيوب القرض:

• تدفع مبلغ أعلى على المدى الطويل بسبب الفائدة.
• التزام شهري قد يضغط على ميزانيتك لو الدخل مو ثابت.
• تأخير السداد يأثر على سجلك الائتماني.

يناسب القرض إذا: كان دخلك الشهري ثابت وقسط السيارة ما يزيد عن 20-25٪ من راتبك الشهري.

جدول مقارنة بين القرض والكاش لشراء السيارة

وش الأفضل لك في السعودية: قرض أم كاش؟

• اختر القرض إذا كنت بحاجة للسيارة فورًا وتحب تحتفظ بسيولتك لأي ظروف أو استثمارات ثانية.
• اختر الكاش إذا لك خلق تنتظر جمع كامل المبلغ وبعدها تاخذ راحتك وما عليك أي التزامات شهرية.

جاهز تختار سيارتك اليوم؟
قدّم طلب التمويل بسهولة عبر منصة سيارة وشوف أفضل عروض السيارات المتوفرة الآن نقدًا أو أقساط، وامتلك سيارتك بخطوات بسيطة وبدون دفعة أولى!

الأسئلة الشائعة

هل شراء سيارة بالقرض يضرني مستقبلاً؟

لا، القرض ما يضرك إذا التزمت بالسداد بانتظام، لكن التأخير ممكن يأثر على سجلك الائتماني ويصعب عليك طلب قروض مستقبلية.

هل أقدر ألقى تمويل بدون دفعة أولى؟

أي نعم، أغلب الجهات التمويلية حالياً من ضمنهم “سيارة” يقدمون تمويل بدون دفعة أولى مع خيارات دفع أخير تصل حتى 45% من قيمة السيارة بنهاية العقد.

إذا اشتريت سيارة كاش، هل ممكن يستغلني البائع بالسعر؟

بالعكس، الدفع كاش يعطيك قوة تفاوض أكبر، وغالباً تحصل على خصم أحسن مقارنة بالتمويل.

وش نسبة القسط المناسبة من راتبي إذا قررت أخذ السيارة أقساط؟

يفضل القسط الشهري ما يتعدى 20-25٪ من دخلك الشهري عشان تعيش مرتاح وما تتأثر التزاماتك الثانية.

هل الأسعار ممكن ترتفع وأنا أجمع الفلوس؟

نعم، وهذا من أهم سلبيات الانتظار، ممكن تصير الأسعار أعلى بعد فترة وعندها تزيد عليك مدة الجمع أو تضطر تاخذ خيار أقل من طموحك.