متى يعمل محرك البنزين في الهايبرد؟

محرك البنزين في سيارة الهايبرد يشتغل تلقائي إذا احتجت قوة إضافية، مثل التسارع القوي أو القيادة بسرعات عالية أو طلوع المرتفعات، ويتوقف إذا تمشّي السيارة على سرعات منخفضة أو وقفت عند الإشارات. كمبيوتر السيارة هو اللي يتحكم ويوازن بين المحركين الكهربائي والبنزين عشان يوفر أفضل أداء وأعلى كفاءة توفير وقود.

أبرز أوقات تشغيل محرك البنزين في السيارة الهايبرد

• التسارع القوي: إذا تحتاج تدعس أو تتجاوز السيارات، يشتغل محرك البنزين مع الكهربائي عشان يعطيك عزم إضافي.
• السرعات العالية: إذا مشيت على الخط أو الطريق السريع بسرعة، غالبًا يعتمد النظام بشكل أكبر على البنزين.
• القيادة على المرتفعات: إذا الطريق يطلع مرتفع أو جبل، السيارة تحتاج قوة إضافية، فيشتغل البنزين مع الكهربائي.
• لما تفرغ البطارية الكهربائية: خصوصًا بسيارات الهايبرد القابلة للشحن، إذا خلص شحن البطارية، يصير الاعتماد الأساسي على البنزين.

تصفح أيضًا: ما هو محرك الهايبرد؟ وكيف يعمل؟

أوقات يتوقف فيها محرك البنزين في سيارات الهايبرد

• السرعات المنخفضة: إذا تمشّي ببطء داخل الحي أو في الزحمة، غالباً المحرك الكهربائي هو اللي يشتغل والبنزين يوقف.
• التوقف التام: إذا وقفت عند الإشارة أو في زحمة، ينطفي محرك البنزين ويوفر وقود.
• الفرملة التجديدية: لما تدعس فرامل، المحرك الكهربائي يصير مولد ويخزن طاقة بالبطارية بدون ما يحتاج البنزين.

فيما يلي جدول مقارنة أوقات عمل المحركين في الهايبرد:

الأسئلة الشائعة

متى يطفى محرك البنزين في سيارات هايبرد؟

يطفى إذا السيارة تمشّي بهدوء أو وقفت عند إشارات المرور، أو إذا كان شحن البطارية الكهربائي كافي للمشي.

هل اقدر استغني عن البنزين وأمشي بالكهرباء فقط؟

السيارة الهايبرد تمشي بالكهرباء فقط لمسافة أو سرعات معينة، بس لازم البنزين عشان تمشي لمسافات طويلة أو إذا خلص شحن البطارية.

هل التبديل بين المحركين يحتاج تدخل السائق؟

لا، كل شيء يتم تلقائي عن طريق كمبيوتر السيارة اللي يوازن بين المحرك الكهربائي والبنزين على حسب وضع القيادة.

هل تمشي الهايبرد بدون بنزين تماماً؟

السيارة الهايبرد تمشي فترة قصيرة بالكهرباء فقط، بس بالنهاية تحتاج البنزين عشان تمشي لمسافات أطول أو إذا فرغت البطارية.